Los Cintis eskualdean genero ekitatea eraikitzen

Hezkuntza proposamen hau "Construcción de la equidad en Los Cintis" programan oinarritzen da. Programa hau Garapenerako Gobernuz Kanpoko Centro Ayni eta Zabalketa erakundeak aurrera eraman dute 2012-2016 urteetan eta Eusko Jaurlaritzaren diru laguntza izan du.

Proiektuaren eremu geografikoa Chuquisaca departamentuan dago, Nor-Cinti eta Sud-Cinti probintzietan, eta lanaren ardatza Camargo, San Lucas eta Culpina herrietan kokatuta dauden 28 nekazari komunitate dira, non kitxua jatorriko 10.500 pertsona inguru bizi diren.

Programaren helburua zen emakumeek gizarteko talde gisa dituzten ahalmenak eta protagonismoa indartzea, eta era horretan eremu soziokulturalean, politikoan, ekonomikoan eta pertsonalean duten tokia hobetzea.

Helburu hori lortzeko, 3 ildo hauek landu dira:

1.- Emakumeek lidergoak euren gain hartzeko behar dituzten gaitasunak eta konpetentziak sendotzea.

2.- Erabakitzeko tokiko erakundeak (udal gobernuak eta nekazarien sindikatuak) irekitzea, emakumeek partaidetza eraginkorra izan dezaten.

3.- Emakume elkarteek proposamenak egiteko duten ahalmena indartzea, tokiko garapen sozioekonomikoa sustatzeko.