Ura: giza eskubidea

Ura izateko Giza Eskubidea munduko pertsona guztiek duten eskubide bat dela ikasiko dugu. Horri lotuta, ura zaintzeko hainbat betebehar eta erantzukizun ere baditugula ikusiko dugu.

Ura giza eskubideen zerrendan sartzea ez da lan erraza izan.

Irakurri arretaz testu hau.

  1. Bolivia eta Uraren Gerra
  2. 1999ko irailean, Hugo Banzerrek, artean Boliviako presidente zenak, ur zerbitzua pribatizatu zuen.

    Erabaki horren ondorioz, uraren prezioa % 50 baino gehiago garestitu zen. Ondorioz, familiak dirurik gabe gelditu ziren seme-alabak eskolara bidali edo sendagilearengana joateko.

    Gizon eta emakumeak kalera irten ziren protestan, eta borroka gogorrak izan ziren. Liskarrek 7 hildako eta 175 zauritu eragin zituzten, eta Boliviako gobernuak atzera egin behar izan zuen hartutako erabakian eta berriro una nazionalizatu egin zuen.


  1. Horrela, Boliviako gertaerek bultzada handia eman zioten giza eskubide honen aitorpenari, eta ura oinarrizko giza eskubide bihurtu zen Nazio Batuen Erakundeak 2010ean hartutako erabakiz.

Iturria: Zabalketa.


1. Boliviaren kasuan, ez zen betetzen lehen aipatutako bost baldintzetako bat: nahikoa, osasungarria, edangarria, eskuragarria eta arrazoizko preziokoa. Badakizu zein?