Nire bizipen positiboak urarekin

Unitate honetan, urak eragiten dizkigun sentimenen adierazpena landuko dugu. Gainera, uraren garrantziaz jabetuko gara, bizipen positiboak eragiten dizkigulako eta zoriontsu eta alai sentiarazten gaituelako.

• 1. ariketa

Ikus dezagun denok arretaz laburmetraia hau. Unesco Etxeak 2011n antolatu zuen “Eman minutu bat uraren alde” lehiaketan parte hartu zuen.

Orain, gogoeta egin eta galdera hauei erantzungo diegu.

1. Zer kontatzen du bideoak?
2. Zer sentimen eta emozio sentitzen dituzte neskatoek?
3. Zer sentimen eta emozio eragin dizkizute?
4. Nolakoak dira sentimen eta emozio horiek: positiboak ala negatiboak?
5. Gustatu zaizu? Zergatik?

Lehen ariketa hau amaitzeko, irakurri arretaz Haurren Eskubideei buruzko Hitzarmeneko 31. artikulua.

1. Haur guztiek dute eskubidea jolasteko, atsedenerako eta aisia eta kultura jardueretarako.
2. Haurren Eskubideei buruzko Hitzarmeneko 31. art. (1989)

Eta gu… nola jostatzen gara uretan?